Kuchh Faisala To Ho

Kuchh Faisala To Ho Ki Kidhar Jana Chahiye;
Paani Ko Ab To Sar Se Guzar Jana Chahiye;

Har Baar Aidiyon Pe Gira Hai Mera Lahoo;
Maqtal Mein Ab Ba-Tarz-e-Digar Jana Chahiye;

Kya Chal Sakenge Jin Ka Faqat Masla Ye Hai;
Jaane Se Pehle Rakht-e-Safar Jana Chahiye;

Sara Jvaar-Bhata Mere Dil Mein Hai Magar;
Ilzaam Ye Bhi Chaand Ke Sar Jana Chahiye;

Jab Bhi Gaye Azaab-e-Dar-o-Baam Tha Wahi;
Aakhir Ko Kitni Der Se Ghar Jana Chahiye;

Tohmat Laga Ke Maa Pe Jo Dushman Se Daad Le;
Aise Sukhanafarosh Ko Mar Jan Chahiye!